- Aubrey de Grey -

O Dr. Aubrey de Gray é un xerontólogo biomédico afincado en Mountain View, California, Estados Unidos. É o Director Científico da SENS Research Foundation, unha organización biomédica sen ánimo de lucro de California que realiza e financia investigación de laboratorio orientada a combater o proceso de envellecemento. Tamén é vicepresidente New Technology Discovery at AgeX Therapeutics, unha empresa de biotecnoloxía que desenvolve novas terapias no campo da xerontología biomédica. Ademais, é Redactor Xefe de Rejuvenation Research, a revista de maior impacto do mundo revisada por pares, centrada na intervención no envellecemento.

Recibiu a súa licenciatura en Ciencias da Computación e doutorouse en Bioloxía na Universidade de Cambridge. Os seus intereses científicos inclúen a caracterización de todos os tipos de dano celular e molecular autoinflixidos que constitúen o envellecemento dos mamíferos e o deseño de intervencións para reparar e/ou evitar ese dano. O Dr. De Gray é membro da Gerontological Society of America e da American Aging Association e forma parte dos consellos editoriais e científicos de numerosas revistas e organizacións. É un orador moi solicitado que imparte unhas 40 ou 50 conferencias ao ano en eventos científicos, universidades, empresas en áreas que van desde farmacéuticos a seguros de vida e ao público xeral.

- Vicente Bellver -

Vicente Bellver Capella é Catedrático de Filosofía do Dereito e Filosofía Política e Director do Departamento de Filosofía do Dereito e da Política da Universitat de València. Os seus campos de investigación son os dereitos humanos, a ecoloxía política, a bioética e o Bioderecho. Publicou tres libros: Ecología: de las razones a los derechos” (1994), “¿Clonar? Ética y Derecho ante la clonación humana” (2000, traducido a italiano no 2002) e "Por unha bioética razonable" (2006). Tamén publicou máis de 170 traballos en revistas científicas ou como capítulos de libros. Foi membro do Comité Director de Bioética do Consello de Europa (2002-2008) e o é do Comité de Bioética de España. 

- Richard Faragher -

Richard Faragher é Profesor de Xerontoloxía Biolóxica na Universidade de Brighton e foi presidente da British Society for Research on Ageing, da International Association of Biomedical Gerontology e da American Aging Association. Estudou no Imperial College e desenvolveu o seu doutoramento na Universidade de Sussex. A súa principal liña de investigación é a relación entre a senescencia celular e o envellecemento do organismo. En 2002 o seu traballo sobre a enfermidade de envellecemento acelerado Síndrome de Werner, valeulle a Medalla ao descubremento científico máis destacado da Royal Pharmaceutical Society Conference Science. En 2005 foi o primeiro científico da historia en recibir o premio Help the Aged pola súa defensa dos maiores e as súas investigacións no seu beneficio. En 2010 convertiuse no primeiro británico en recibir o premio Paul F. Glenn pola súa investigación no mecanismo biolóxico do proceso de envellecemento. É profesor visitante no Moscow Institute of Physics and Technology e pertence ao comité editorial das revistas científicas “Age” e “Mechanisms of Aging and Development”.

O Profesor Faragher foi membro do Consello Asesor Científico da ONG Research into Ageing e nos paneis de estratexia e financiamento para o BBSRC, o National Institutes on Ageing dos EUA e a Unión Europea. De 2005 a 2008 foi codirector do programa BBSRC-EPSRC SPARC, unha rede de investigación deseñada para poder levar a cabo investigación interdisciplinar en envellecemento a nivel nacional. En 2015 convertiuse no primeiro británico en ser elexido para formar parte da xunta directiva da American Federation for Aging Research, a principal organización sen ánimo de lucro nos Estados Unidos que apoia e promove o envellecemento saudable a través da investigación biomédica. En 2016 foi recoñecido co premio máis importante polos servizos á xerontoloxía en Reino Unido, a medalla Lord Cohen of Birkenhead.

Regueifas de Ciencia, debemos priorizar a seguridade fronte á privacidade dixital?

Regueifas de Ciencia é unha iniciativa da Universidade de Santiago de Compostela e está financiada pola FECYT (Fundación Española para a Ciencia e a Tecnoloxía), pertencente ao Ministerio de Economía, Industria e Competitividade e celebrouse por primeira vez en 2016.

O vindeiro xoves 1 de xuño celebrarase o segundo debate de 2017, no que se tratará de responder á pregunta ?Debemos priorizar a seguridade fronte á privacidade dixital??. O evento comezará ás 20.00h na Facultade de Comunicación da Universidade de Santiago de Compostela e será retransmitido por streaming.

Ao longo de 2017 exporanse, ademais de leste, outros dous debates sobre temas candentes: a edición xenética, a investigación para alongar a vida humana, a eutanasia ou a enerxía nuclear son algún dos asuntos na lista de opcións da organización

Tras o éxito da primeira edición, que reuniu a preto de 1.500 persoas nos eventos en vivo, e do bo arranque en 2017, que volveu encher o auditorio, Regueifas de Ciencia anuncia unha nova cita o día 1 de xuño. 

Os avances nas tecnoloxías da información e comunicacións multiplicaron de forma exponencial a nosa capacidade de comunicación e de intercambio de información, modificando de forma radical as dinámicas da sociedade, da nosa vida e da nosa intimidade. Xa non hai distancias nin barreiras, todo está ao noso alcance e xa non hai fronteiras.

Esta situación exponnos dous retos principais: a seguridade e a privacidade.
Como consecuencia da nosa actividade diaria, imos deixando un rastro dixital que pode pór en risco a nosa privacidade (pensemos tamén na biometría, o procesado de imaxe, o big data...). Protexela é esencial, pois diso depende a nosa liberdade.

Doutra banda, as ameazas como o terrorismo imponnos unha serie de medidas, como a vixilancia masiva, necesarias para a prevención destes ou outros ataques contra a nosa integridade, contra a nosa vida. 

Ademais, este reto non só se nos expón desde a perspectiva das forzas de seguridade dos estados ou as axencias de intelixencia, tamén está o mercado. As empresas tecnolóxicas ou o sector publicitario teñen un papel tanto ou máis importante neste asunto que os propios gobernos (lembremos, por citar un recente, o caso do iPhone e a FBI).

Como xa nos dixo Bentham, saber que estamos a ser observados ou simplementepensar que podemos estalo afecta o noso comportamento e prívanos da nosa liberdade, porque o vixiante está na nosa cabeza.
En consecuencia, o debate está moi vivo: Existen garantías de privacidade fronte ao estado ou as empresas? Os nosos datos persoais... son nosos? Se a nosa lexislación garante a nosa privacidade, estamos a dar espazo aos criminais? Estamos a ser observados?

Os relatores serán:

• Marta Peirano, xornalista eldiario.es, fundadora de Cryptoparty Berlin e co-directora de COPYFIGHT
• Paloma Llaneza, Avogada especialista en Dereito Tecnolóxico
• Eduardo Casas, Corpo Nacional de Policía, Unidade de Investigación Tecnolóxica
• Alberto Calero, Enxeñeiro de Telecomunicación, A&J Calero e Maven7

Sobre Regueifas de Ciencia
Ao longo de 2016, saltaron ao ring de Regueifas de Ciencia destacadas personalidades de diferentes campos e debateuse sobre transxénicos, o posible cambio de fuso horario para España, experimentación animal en ciencia e mesmo sobre o eterno dilema de se ciencia e fe son compatibles. Algunha das caras máis coñecidas entre os relatores da primeira edición foron Jorge Mira, JM Mulet, Antonio Martínez Ron, Fernando Savater ou Fernando Sánchez Dragó.

Un dos aspectos máis interesantes da iniciativa é precisamente que os relatores teñen perfís moi variados: científicos, filósofos, escritores, investigadores, divulgadores, xornalistas, profesores... logrando conformar entre todos unha magnífica fonte de información para a audiencia sobre temas que, a priori, poderían non ser fáciles de comprender e sobre os que pode custar situarse. 

Esta actividade pretende facilitar esta tarefa. Regueifas de Ciencia son eventos de libre acceso (ata completar aforo), que se retransmiten por streaming e que quedan gravados, facendo posible gozar dos debates á carta desde a páxina web (www.regueifas.org) ou a súa canle de Youtube.

O debate
O estilo destes debates denomínase tipo "Oxford", o que implica que hai dous equipos (neste caso formados por dúas persoas), un moderador e tempos pautados para cada intervención (intervencións, réplicas e contrarréplicas). 
Ademais, ao final ábrese unha quenda de preguntas para que o público poida resolver as dúbidas que se puidesen quedar despois de escoitar os argumentos das partes.

Votación electrónica
Outro dos aspectos innovadores de Regueifas de Ciencia é que o público pode opinar. Antes de empezar co debate, pregúntase ao público con cal das dúas posturas está, realizando unha votación electrónica da que non se publica o resultado.
Ao terminar o debate, o moderador repetirá a pregunta, o público volverá responder, publicando esta vez os datos para comparar se houbo cambios de posición na audiencia.

- Alberto Calero -

É membro do consello de diversas compañías tecnolóxicas, Presidente de A&JCalero Engineering e partner de Maven7, compañía punteira na ciencia das redes. Colaborou con Laszlo Barabasi desde 2002 en proxectos de ciencia de redes e foi parte activa dos desenvolvementos desta ciencia nos últimos 10 anos.

Alberto Calero foi ata 2011 membro do comité de Dirección de France Telecom España (Orange) e Director da oficina do CEO onde tivo a responsabilidade de traballar a nivel do grupo na anticipación en áreas estratéxicas de crecemento do mercado (Saúde, Enerxía, internet das cousas).

Alberto Calero foi tamén Director da Unidade de Novos Servizos onde tivo a responsabilidade do desenvolvemento dos servizos móbiles de datos, innovación e contidos.

Antes de incorporarse a Amena, traballou en compañías como o Grupo Prisa como Director Xeneral de Innovación e Tecnoloxía dependendo directamente do CEO e formando parte do comité de Dirección do Grupo. Tamén foi director de Mercadotecnia de Kodak en España e Portugal así como director de Mercadotecnia de Hewlett-Packard en España, Italia e Portugal. En HP tamén foi o director da rede de innovación da compañía e novos servizos de Internet, e en Telefónica onde traballou na división de Enxeñaría de sistemas.

- Eduardo Casas -

Eduardo Casas Herrer, nacido en Zaragoza, é técnico superior en informática e membro do Corpo Nacional de Policía. Desde 2004 traballa na Unidade de Investigación Tecnolóxica. Está especializado na loita contra a explotación sexual de menores, pola que foi condecorado en varias ocasións. É membro permanente do Grupo de Expertos en Identificación de Vítimas de Interpol, que se encarga da localización de nenos explotados sexualmente en Internet e dos seus agresores.

É profesor honorario da Universidade Autónoma de Madrid, onde imparte leccións de posgrao para o Instituto de Ciencias Forenses e da Seguridade, e da Universidade Complutense de Madrid, para a que dá clase no terceiro curso de Criminoloxía. Dá charlas e conferencias en diversas entidades, desde colexios a deputacións provinciais.

É autor do libro de divulgación sobre delitos en Internet La red oscura (A Esfera dos Libros, 2017) e, ademais, dúas novelas, Cristal traslúcido e El juez de Sueca. Gañou máis de vinte concursos de narrativa curta.

Foi convidado de forma ocasional a medios de comunicación como divulgador, entre os que destaca en 2017 a Cadena Ser e Radio Nacional de España. En prensa escrita apareceu, entre outros, en El Mundo, El Diario, ou o Heraldo de Aragón, El Imparcial ou Las Provincias. Tamén protagonizou un episodio de "Crónicas", para TVE e de "Unidades do CNP" para Crime&Investigación.

Mantén unha activa presenza nas redes sociais, en Twitter baixo o nome de usuario @AguilaKen.