- Patricia Amiguet Adell -

Activista cannábica, anti-prohibicionista e feminista. Graduada S. en Xestión e Finanzas e estudante do Grao en Antropoloxía Social e Cultural na UNED. Fundadora da Asociación Cannábica Pachamama, Portavoz da ConFAC (Confederación de Federacións Cannábicas), Presidenta da CatFAC (Federación de Asociacións Cannábicas de Cataluña), Cofundadora de REMA (Rede Estatal de Mulleres Anti prohibicionistas en materia das drogas) e do proxecto integrante Mulleres Cannábicas, Co-Fundadora da Asociación RdRLab e integrante do Grupo Motor de Non Somos Delito, plataforma que traballa pola derrogación do conxunto das leis Mordaza do Estado.

- José Carlos Bouso -

José Carlos Bouso é licenciado en Psicoloxía e doutor en Farmacoloxía. Desenvolveu a súa actividade científica na Universidade Autónoma de Madrid, no Instituto de Investigación Biomédica IIB-Sant Pau de Barcelona e no Instituto Hospital do Mar de Investigacións Médicas de Barcelona (IMIM). Durante este tempo, desenvolveu estudos sobre os efectos terapéuticos da MDMA («éxtase») e estudos psicofarmacológicos sobre os efectos agudos e neuropsiquiátricos a longo prazo de moitas sustancias, tanto de orixe sintética como vexetal. Actualmente é director científico da Fundación ICEERS (International Center for Ethnobotanical Education, Research & Services), onde coordina os estudos sobre os beneficios potenciais das plantas psicoactivas, principalmente o cannabis, a ayahuasca e a ibogaína, co obxectivo de mellorar a saúde pública. É coautor de numerosos artigos científicos e capítulos de libros. Publicou dous libros sobre cannabis medicinal. Así mesmo, é membro do MARC (Medical Anthropology Research Center) da Universitat Rovira i Virgili de Tarragona, profesor convidado no programa de saúde mental da Facultade de Medicina da Universidade de São Paulo en Riberão Preto, Brasil, e vicepresidente da Sociedade de Endocannabinología Clínica (SEC).

- Manuel Isorna Folgar -

Foto: DUVI

Manuel Isorna Folgar é doutor en Psicoloxía e profesor da Universidade de Vigo na facultade de ciencias da educación e traballo social.

Cursou un máster sobre drogodependencias (1998) e outro sobre o Trastorno por déficit de atención con hiperactividade (TDAH) (2018), ademais dun curso de especialización en psicoloxía deportiva pola UNED (2000).

Desenvolveu o seu labor profesional como responsable de prevención de drogodependencias do Concello de Catoira durante 26 anos, polo cal que recibiu en 2012 o Premio Reina Sofía e en 2013 o premio da FEMP polas "Boas prácticas en Drogodependencias". Membro de ISSUP España.

Autor de numerosos libros, capítulos de libros e artigos científicos vinculados ao ámbito da educación, os adolescentes e o consumo de drogas. Destacando varios libros e artigos sobre o consumo de cannabis.

Exerce como presidente do comité organizador do Congreso Internacional sobre cannabis e os seus derivados: saúde, educación e lei. Director de varios cursos de extensión universitaria, destacando entre eles, varios relacionados cos estilos de vida dos adolescentes.

- Fernando Rodríguez de Fonseca -

Madrileño de 58 anos, Médico e Dr. En Bioquímica e Bioloxía Molecular. Catedrático en excedencia no Departamento de Psicobiología da Universidade Complutense de Madrid, onde traballou durante 30 anos. Dirixiu 24 teses doutorais. Publicou 382 estudos cientificos rexistrados en PubMed (Indicadores bibliométricos, índice H=65), destacando traballos moi relevantes publicados nas revistas Science, Nature, PNAS or J. of Neuroscience, todos no ámbito da neuropsicofarmacología de lípidos bioactivos, e especialmente nas adiccións. Dirixiu 80 proxectos de investigación comunitarios, nacionais e internacionais. 8 proxectos de co-desenvolvemento coa industria. É socio fundador de tres empresas de biotecnoloxía e rexistrou 24 patentes de novas entidades químicas ou novas indicacións. É fundador e coordinador da Rede de Trastornos Adictivos do ISCIII, a rede que agrupa aos principais investigadores en adiccións en España. Membro do Comité Científico do Observatorio Europeo das Drogodependencias desde 2008. Premio Esteve de biomedicina e Cruz Branca ao Mérito do Plan Nacional Sobre Drogas.

- Laura Batlle -

Doutora da Universidade de Cantabria, Enxeñeira agrícola da Universidade Politécnica de Catalunya e Msc de Wageningen University. Experiencia en investigación (ISRIC, Utrecht University e a cátedra UNESCO de Ciclo de Vida e Cambio Climático, ESCI-UPF) e consultoría (Blonk consultants) sobre a sustentabilidade do sistema alimentario, e actualmente Senior Sustainability Manager en Heura Foods.

- Ujué Fresán -

Ujué Fresán é farmacéutica, máster en Saúde Pública e doutora en Biomedicina. Actualmente traballa como investigadora en ISGlobal, deseñando intervencións para promover un cambio dietético cara a dietas máis saudables e sustentables. Recibiu varios premios polas súas investigacións neste tema, incluído o recoñecemento como "Líder Emerxente da Ciencia da Nutrición" por parte da Sociedade Americana da Nutrición, entre outros. Ademais, colaborou como experta en dietas saudables e sustentables con diversas organizacións de referencia, como a Organización Mundial da Saúde, a Federación Europea de Dietistas e Nutricionistas, ou a Axencia Española de Seguridade Alimentaria e Nutrición.