Use the form on the right to contact us.
You can edit the text in this area, and change where the contact form on the right submits to, by entering edit mode using the modes on the bottom right.
123 Street Avenue, City Town, 99999
(123) 555-6789
email@address.com
You can set your address, phone number, email and site description in the settings tab.
Link to read me page with more information.
É de nacionalidade italiana, casado cunha española e pai de dous nenos. É politólogo e experto en relacións internacionais pola universidade de Bolonia. Desde hai un ano e medio é Director de Política alimentaria, Nutrición e Saúde en FIAB (Federación Española de Industrias de Alimentación e Bebidas). Anteriormente estivo traballando durante dez anos como secretario xeral adxunto na Federación Europea de Industrias Cárnicas, en Bruxelas.
Regueifas de Ciencia é unha iniciativa da Universidade de Santiago de Compostela e está financiada pola Fundación Española para a Ciencia e a Tecnoloxía (FECYT), pertencente ao Ministerio de Economía y Competitividad.
Regueifas de Ciencia celebra a súa segunda edición repetindo localización, mais aportando novos debates e relatores sobre temas candentes.
O primeiro debate terá lugar o vindeiro martes 28 de marzo ás 20.00h, na Facultade de Comunicación da USC coa pregunta de partida: “Promove a industria unha alimentación sa?”
Tras o éxito da súa primeira edición, á que asistiron preto de 1.500 persoas ao evento en vivo, volve Regueifas de Ciencia, unha iniciativa da Universidade de Santiago de Compostela que busca a aprendizaxe e o enriquecemento da audiencia a través da organización de debates sobre temas clave para a sociedade.
Ao longo do 2016, saltaron ao ring de Regueifas de Ciencia destacados persoeiros de diferentes campos e debatiuse sobre transxénicos, o posible cambio de fuso horario, experimentación animal e incluso sobre o eterno dilema de se ciencia e fe son compatibles. Algunhas das caras máis coñecidas entre os relatores da primeira edición foron Jorge Mira, JM Mulet, Antonio Martínez Ron, Fernando Savater ou Fernando Sánchez Dragó.
Un dos aspectos máis interesantes da iniciativa é precisamente que os relatores teñen perfís moi variados: científicos, filósofos, escritores, investigadores, divulgadores, xornalistas, profesores... logrando conformar entre todos unha magnífica fonte de información para a audiencia sobre temas que, a priori, poderían non ser sinxelos de comprender e sobre os que pode costar posicionarse.
Malia que estamos rodeados de información e que temos todo o coñecemento ao noso alcance, a rapidez da mesma e certa sobreexposición impide unha análise en profunidade e, en consecuencia, dificulta a conformación dunha opinión informada e libre de prexuizos.
Esta actividade, que se celebra no Auditorio da Facultade de Ciencias da Comunicación de Santiago de Compostela, pretende facilitar esta tarefa. Regueifas de Ciencia son eventos de libre acceso (ata completar aforo), retransmítense por streaming e quedan gravados, sendo posible gozar dos debates á carta dende a web do evento ou a súa canle de YouTube.
O debate
O estilo destes debates denomínase tipo “Oxford”, o que implica que hai dous equipos (neste caso formados por dúas persoas), un moderador e tempos pautados para cada intervención (intervecións, réplicas e contrarréplicas).
Ademais, ao final ábrese unha quenda de preguntas para que o público poida resolver as dúbidas que lle puidesen quedar despois de escoitar os argumentos das partes.
Votación electrónica
Outro dos aspectos innovadores de Regueifas de Ciencia é que o público pode opinar. Antes de empezar co debate, preguntarase ao público con cal das dúas opinións está, realizando unha votación electrónica, mais non se da a coñecer o resultado. Ao rematar o debate, o moderador repetirá a pregunta, o público responderá de novo e será entón cando se publicarán os resultados, podendo analizar deste xeito se houbo cambios de posición na audiencia.
Primeira Regueifa de 2017
A primeira Regueifa de 2017 xirará en torno á pregunta de partida “Promove a industria unha alimentación sa?” e terá lugar o vindeiro martes 28 de marzo, ás 20.00h en Ciencias da Comunicación (USC). Os relatores serán, por unha banda, Rosaura Léis Trabazo, que é pediatra, profesora da USC e Coordinadora de la Unidad de Nutrición Pediátrica del CHUS e José Manuel López Nicolás, profesor de Bioquímica da Universidade de Murcia, Director da Unidade de Divulgación Científica da UM, autor do blog Scientia e do libro "Vamos a comprar mentiras”. Na posición contraria estarán Enrico Frabetti, director de Política Alimentaria, Nutrición e Saúde da Federación Española de Industrias de la Alimentación y Bebidas (FIAB) eRafael Urrialde de Andres, director de Saúde e Nutrición en Coca-Cola Iberia.
O coñecemento e o sistema científico permitiunos aumentar a nosa esperanza de vida de xeito abraiane, dos 30 anos de media mundial de comezos do século XIX aos 71,4 actuais. Permitiunos incluso pisar a superficie da lúa e descubrir as partículas subatómicas, mais para algúns a ciencia non é capaz de ofrecernos un coñecemento pleno e o mesianismo científico é cego e inhumano e non conseguirá a plena satisfacción do ser humano.
Así, xérase unha dualidade. Para uns de extremos contrarios epara outros complementarios. Por unha banda están as relixións, basadas na fe, as crenzas e a espiritualidade, e por outra a ciencia, racional, escéptica. Son compatibles? Pode a ciencia por si soa explicalo todo? Un maior progreso científico implica o declive da relixión? Poden os científicos profesar algunha fe relixiosa? Hai cabida para a espiritualidade nun mundo no que a ciencia avanza a pasos de xigante? É a ciencia unha nova relixión en si mesma? Son moitas as preguntas que aparecen e complicadas as respostas.
Hai persoas que sosteñen que é posible unha coexistencia de ciencia e relixión e persoas que consideran que son excluíntes. Entre aqueles que pensan que son compatibles, atopamos ao coñecido novelista e xornalista Fernando Sánchez Dragó, que debatirá no mesmo equipo que o sacerdote teólogo e físico Emili Marlés. Nas filas dos contrarios a esta postura temos ao xornalista e divulgador científico Antonio Martínez Ron e a Juan Ignacio Pérez, Iñako, que, entre outras cousas, é coordinador da Cátedra de Cultura Científica da Universidade do País Vasco.
Profesor in Leioa & Bilbao (Vasconia peninsular) Desde 1985 ensina Fisiología Animal na Facultade de Ciencia e Tecnoloxía da Universidade do País Vasco; e desde 2010 é o responsable da Cátedra de Cultura Científica desa universidade. A Cátedra publica os blogs Cuaderno de Cultura Científica, Mujeres con ciencia, Mapping Ignorance e Zientzia Kaiera. Escribe sobre bioloxía animal en Zoo Logik (en español) e en Uhandreak (en vasco). En La naturaleza humana escribiu sobre a nosa especie. En #con_ciencia (diario Deia) e Next(Vozpópuli) escribe sobre ciencia e aledaños. E en Un tal Pérez, sobre política. Pertenece a Jakiunde, Academia das Ciencias, as Artes e as Letras de Vasconia. Preside o comité científico do ISEI-IVEI. É membro dos patronatos da Fundación Cursos de Verano de la UPV/EHU e da Fundación Vasca para a Ciencia, Ikerbasque. Tamén forma parte do Consello Científico e Tecnolóxico da FECYT.
Nesta Regueifa de Ciencia acompaña a Antonio Martínez Ron no equipo do non.
Antonio Martínez Ron, Es Periodista, divulgador científico y organizador de eventos de comunicación científica. Pasión por las buenas historias.
Editor de Ciencia en Vozpópuli.com
Autor del libro "El ojo desnudo" (Ed. Crítica)
Creador de Fogonazos y Naukas.
Colaborador de Órbita Laika (TVE)
Colaborador de Onda Cero, 'Te doy mi palabra'.
Colaborador de Yahoo!, Jot Down e revista Quo.
Ex editor de Ciencia de lainformacion.com.
Ex editor de actualidad de ADN.es
Ex colaborador de XL Semanal, Cadena SER y RNE.
Director do documental "El mal del cerebro"
Autor do libro "¿Qué ven los astronautas cuando cierran los ojos?"
Autor do podcast "Catástrofe Ultravioleta"
Premio Boehringer de Periodismo de Medicina 2013.
Premio Prismas, dous premios Bitácoras, dous premios 20 Minutos.
Premio Blasillo al ingenio en Internet.
Nesta Regueifa de Ciencia acompaña a Juan Ignacio Pérez Iñako no bando do non.
Madrid, 1936. É novelista, ensaísta e xornalista. Publicou corenta libros, case todos en Editorial Planeta, e miles de artigos, columnas e reportaxes en Cambio 16, Diario 16, Época, O Mundo e A Razón. Durante trinta e seis anos dirixiu e presentou programas culturais en Televisión Española, Canal Nou e Telemadrid. A súa actividade radiofónica (Radio Cadena, Onda Cero, COPE, Radio Nacional, esRadio) valeulle o Ondas. Na actualidade dirixe e presenta o programa literario "Libros con uasabi" na 2 de TVE.
Foi profesor de Lingua, Literatura e Historia en once universidades de sete países. Foi en dúas ocasións Premio Nacional de Literatura. Ten o Premio Planeta, o Fernando Lara, o Premio Espiritualidade Martínez Roca e o Premio Nacional da Federación de Gremios de Editores. Os seus libros son aneis dunha cadea á que aínda faltan algúns elos. Confía en vivir o suficiente para forxalos. Gústanlle as viaxes, os gatos, a lectura, o silencio, a soidade e o perigo. O seu último libro é "Shangri-A: El elixir de la eterna juventud" (Planeta).
Nesta Regueifa de Ciencia acompaña a Emili Marlés Romeu no bando do si.
