- Pilar López Sancho -

Pilar López Sancho é Profesora de Investigación do Consello Superior de Investigacións Científicas, traballa no Departamento de Teoría e Simulación de Materiais do Instituto de Ciencia de Materiais de Madrid. Desde 2008 preside, por delegación da Presidencia do CSIC, a Comisión de Mulleres e Ciencia do CSIC. É vocal na Comisión Delegada de Igualdade desde 2011 e representou  ao CSIC no Working Group on Gender and Diversity de Science Europe desde 2014 a 2017. Foi cofundadora e, entre 2010 e 2013, Presidenta de AMIT. Cofundadora do Grupo Especializado de Mulleres en Física da RSEF que presidiu de 2002 a 2018.

Doutora en Ciencias Físicas, traballa en teoría da materia condensada estudando propiedades de sistemas fortemente correlacionados, materiais bidimensionales como o grafeno, e illantes topológicos.

- Angela Saini -

Angela Saini é unha galardoada xornalista científica e presentadora. Presenta regularmente programas científicos na BBC Radio, e os seus escritos apareceron en New Scientist, The Guardian, The Times e Wired. O seu último libro, Inferior: How Science Got Women Wrong, foi publicado por Fourth Estate en 2017 con gran éxito de crítica. Foi nomeado como Libro Mundial de Física do Ano. Angela ten un Masters in Engineering da Universidade de Oxford e foi membro do Instituto Tecnolóxico de Massachusetts. O seu xornalismo recibiu eloxios tanto da Asociación Americana para o Avance da Ciencia como da Asociación de Escritores Científicos Británicos.

Síguea en Twitter @AngelaDSaini ou descobre máis en www.angelasaini.co.uk

- Rosalind Arden -

É investigadora da London School of Economics. Despois dunha primeira licenciatura en Historia da arte, Deseño e Cinema, traballou como Investigadora e logo como produtora de documentais científicos para televisión. O seu interese pola ciencia levoune a un facer un doutoramento en Xenética do Comportamento, no que explora como e por que as persoas varían en intelixencia e que se desprende desa variación. Dirixiu un estudo que mostraba o impacto da xenética nos debuxos dos nenos pequenos e o primeiro artigo que mostraba que o pequeno vínculo entre ser máis brillante e vivir máis tempo está motivado substancialmente polos xenes. Logo preguntouse se o que sabemos sobre a intelixencia aplica en particular ás persoas ou aos mamíferos en xeral. Realizou un estudo para explorar a intelixencia nos cans e actualmente está a buscar formas nas que podamos aprender máis sobre os vínculos entre a saúde e a cognición nos cans. Isto pode axudarnos a entender mellor as enfermidades que afectan tanto aos cans como ás persoas, especialmente a demencia.

Síguea en Twitter @Rosalind_Arden_

- Ferran Suay -

É doutor en Psicoloxía e é Profesor do Departamento de Biopsicoloxía da Universitat de València. O seu campo de especialización é hormonas e comportamento.

A súas principais liñas de investigación son os aspectos hormonais do estrés social, incluída a competición. Actualmente, céntrase en como a testosterona e os estróxenos poden afectar á competencia intrasexual en homes e mulleres.

É membro da Human Behavior and Evolution Society.

Sígueo en Twitter @FerranSuay

Información complementaria sobre a posición do relator:

• Why Feminists Must Understand Evolution

• Creationism By Another Name

• Chimp "Girls" Play With "Dolls" Too—First Wild Evidence

- Ángeles López Agüera -

Profesora da Universidade de Santiago de Compostela e presidenta do Comité CLRLA de UNESCO. Membro do Panel Internacional para o Cambio Climático. Coordina o Grupo de Aplicacións Enerxéticas Sostíbeis (SEAG)  e o Laboratorio de Caracterización de Sistemas Enerxéticos da USC.  Foi Decana da Facultade de Física, Asociada Estranxeira na Universidade de Padua, en Italia e no Centro Europeo de Investigación Nuclear (CERN), en Xenebra.

No seu CV conta con 290 publicaciones e 14 Teses de Doutoramento .  As súas líñas de traballo están orientadas ao deseño de Comunidades Sostíbeis no ámbito dos Obxectivos de Desenvolvemento Sostibel de Nacións Unidas, o desenvolvemento de tecnoloxías apropiadas e a optimización das instalacións de enerxía Solar Fotovoltaica. 

- Bernardo Adeva Andany -

É Catedrático de Física Atómica e Nuclear no Departamento de Física de Partículas da USC e membro do IGFAE. Director durante 20 anos do grupo de Física de Altas Enerxías (GAES) desta universidade, e coordinador da participación española no experimento LHCb do CERN (2000-2006 e 2012-2014), dedicado ao estudo da asimetría materia/antimateria no acelerador LHC.

Traballou durante 11 anos baixo a dirección do premio Nobel de Física Samuel C. C. Ting do MIT, primeiro no experimento MARK J do acelerador de DESY (Hamburgo), onde sentaron algunhas das bases do modelo estándar da física de partículas, e logo no deseño e construción do experimento L3 do CERN, dedicado ao estudo do bosón Z0.

Dende a Universidade de Santiago, a partir de 1993, dirixiu a participación desta universidade no experimento SMC sobre a estrutura de espín do protón, e foi deputy spokesman do experimento DIRAC, único até a data en formar átomos piónicos. A partir de 2001 o seu grupo centrouse na construción do experimento LHCb do CERN, dedicado na procura de nova física, máis aló do modelo estándar, nas desintegracións de quarks pesados.

Foi membro de distintos comités do CERN, incluíndo o LHCC que avaliou os grandes experimentos do LHC, no período 1997-2000. Coordinou, durante o período 2008-2014, a rede española de grupos participantes neste gran acelerador. Foi director do IGFAE no período 1999-2004. Como docente, ten interese no ensino da Mecánica Cuántica e da Física de Partículas, materias nas que escribiu varios libros.

Información adicional relacionada coa opinión do relator:

• Reactores nucleares de IV generación

• China anuncia el inicio de la construcción en 2018 de 6-8 nuevos reactores

• 5 razones por las que remontará en 2018 la energía nuclear